Skip to main content

 

မူလတန်းကျောင်းအုပ်ကြီးများသည် ပညာရှင်အဆင်‌့-၃ များ ဖြစ်ကြ၍ လစာအားဖြင့် ကျပ် ၂၁၆၀၀၀+၂၀၀၀+၂၂၆၀၀၀ တွင် ဆုံးကြပါကြောင်း၊ မိမိဌာနက မဲဆန္ဒရှင် ဆရာမကြီးနှစ်ဦး၏ တင်ပြချက်အရ ၎င်းဆရာမကြီးများ ကျောင်းအုပ်ကြီးအဖြစ် ထမ်းဆောင်ခဲ့သည့် ကျောင်းများသည် အလယ်တန်းကျောင်းအဆင်‌့သို့ တိုးမြှင်‌့သွားပါသဖြင့်  မူလတန်းကျောင်းအုပ် ဆရာမများကို အလယ်တန်းဆရာမများအဖြစ် ပြောင်းရွှေ့တာဝန် ပေးအပ်ခဲ့ပါကြောင်း၊ ထိုသို့ ပြောင်းရွှေ့ပေးခဲ့သဖြင့် အလယ်တန်းပြ ဆရာ/မများ၏ လစာမှာ ၁၉၈၀၀၀+၂၀၀၀+၂၀၈၀၀၀ ဖြစ်ပါကြောင်း၊

သို့ပါ၍ နှစ်တိုးမပါ လစာအရင်းမှာ မူလရရှိသော အလစာအရင်းထက် ကျပ် ၁၄၀၀၀ လျော့နည်း နေပါကြောင်း၊ ထိုသို့ လစာလျော့နည်းနေခြင်းက မိမိနားလည်ထားသည်မှာ ပြစ်မှုတစ်ခုခုရှိမှသာလျှင် နိုင်ငံ့ဝန်ထမ်းဥပဒေအရ လျော့ချခွင့်ရှိပါကြောင်း၊ ယခုကိစ္စတွင် ဆရာမနှစ်ဦးသာ ပြစ်မှုကျူးလွန် ခဲ့ခြင်းကြောင့် ပြစ်ဒဏ်ချခံရခြင်း မဟုတ်ဘဲ ဆရာ/မနှစ်ဦး တာဝန်ထမ်းဆောင်ရာ အခြေခံပညာမူလ တန်းကျောင်းကို အခြေခံပညာ အလယ်တန်းကျောင်းအဖြစ် အဆင့်တိုးမြှင့်သွားသဖြင့် ထိုကျောင်းတွင် ဆရာမနှစ်ဦး၏ ရာထူးပျောက်သွားခြင်းသာ ဖြစ်ပါကြောင်း၊ အဓိကတာဝန်ရှိသူ ပညာရေးမှူးများ အနေဖြင့် လစာနစ်နာမှုမရှိဘဲ စီမံခန့်ခွဲရန် လိုအပ်ခြင်းဖြစ်သည်ဟု မြင်ပါကြောင်း၊ သို့ပါ၍ ရာထူးပြောင်းလဲမှုကြောင့် အပြစ်မရှိဘဲ လစာလျော့နည်းသွားနေမှုအား (က) အဆိုပါ ဆရာမနှစ်ဦးနှင်‌့ (ခ) တစ်ပြည်လုံးရှိ ထိုကဲ့သို့ အဖြစ်မျိုးကြုံတွေ့နေရသည့် ဆရာမများနစ်နာမှု မရှိရလေအောင် ဆောင်ရွက်ပေးနိုင်ခြင်းရှိ/မရှိ သိရှိလိုပါကြောင်း မေးမြန်းပါသည်။


 

ပညာရေးဝန်ကြီးဌာန၊ ဒုတိယဝန်ကြီး ဦးဝင်းမော်ထွန်း

ပညာရေးဝန်ကြီးဌာန၊ အခြေခံပညာဦးစီးဌာနတွင် မူလတန်းပြဆရာ/မများအား ပညာရှင်အဆင်‌့-၁၊ အလယ်တန်းပြ မူလတန်းကျောင်း ပညာရှင်အဆင်‌့-၂၊ အထက်တန်းပြများအား ပညာရှင်အဆင်‌့-၃ အဖြစ်သတ်မှတ်ပြီး အလယ်တန်းပြနှင်‌့ မူလတန်းကျောင်းသည် လစာနှုန်းတူဖြစ်ပါကြောင်း၊ အလယ်တန်းပြသည် သင်ကြားရေးတာဝန်ကိုသာ ထမ်းဆောင်ရပြီး မူလတန်းကျောင်းအုပ်သည် စီမံခန့်ခွဲမှုတာဝန်အပြင် လိုအပ်ပါက သင်ကြားရေးတာဝန်ကိုပါ ပူးတွဲထမ်း‌ဆောင်ရပါကြောင်း၊ ၎င်းအပြင် လက်ရှိအ‌ခြေခံပညာ မူလတန်းကျောင်း၊ အခြေခံပညာမူလတန်း (လွန်) ကျောင်း၊ အခြေခံပညာ အလယ်တန်းကျောင်း (ခွဲ) တို့တွင် တာဝန်ထမ်းဆောင်နေကြသော ကျောင်းအုပ်များ တွင်လည်း မူလတန်းကျောင်းအုပ် ရာထူးများပင် ဖြစ်ပါကြောင်း၊ ထိုကဲ့သို့ တိုးမြှင့်လစာငွေ၊ ချီးမြှင်‌့ငွေ ခံစားခွင်‌့ပြုခြင်းသည် အလယ်တန်းပြ သင်ကြားရေးဆရာ/မများကို ချီးမြှင်‌့ခြင်း မဟုတ်ဘဲ စီမံခန့်ခွဲအုပ်ချုပ်မှု တာဝန်ကို ထမ်းဆောင်နေရသော ကျောင်းအုပ်ကြီးများကိုသာ ခံစားခဲ့ခြင်း ဖြစ်ပါကြောင်း၊ သို့သော် ကိုယ်စားလှယ်တော်ကြီး တင်ပြသကဲ့သို့ ပညာရေးဝန်ကြီးဌာန၊  အခြေခံပညာ ဦးစီးဌာနအနေဖြင့် လက်ရှိအခြေအနေတွင် အခြေခံပညာ အလယ်တန်းကျောင်း (ခွဲ) များမှ အခြေခံပညာအလယ်တန်း ကျောင်းအဆင်‌့သို့ တိုးမြှင်‌့သွားပါသဖြင့် အခြေခံပညာကျောင်းများရှိ မူလတန်းကျောင်းအုပ် ချီးမြှင်‌့လစာစားနေရာမှ အလယ်တန်းပြ၊ ဒု-လက်ထောက် ကြီးကြပ်ရေး မှူးအဖြစ် ရာထူးပြောင်းလဲတာဝန် ထမ်းဆောင်သွားသည့် ဆရာ/မများတွင် ကိုယ်စားလှယ်တော်ကြီး တင်ပြသကဲ့သို့ ထမ်းဆောင်နေသော တာဝန်အရ လစာခြားနားမှုများ ရှိသွားပါကြောင်း၊ သို့‌သော် ပြန်လည်စိစစ်သည့်အခါ ကိုယ်စားလှယ်တော်ကြီးတင်ပြသည့် ဆရာမနှစ်ဦးအပါအဝင် တစ်ပြည်လုံးမှာ အလားတူလစာနှုန်း ကွာခြားသွားသည့် ဆရာ/မပေါင်း ၃၀၇ ဦး ရှိပါကြောင်း၊ သူတို့အားလုံးကို မူလအတိုင်း လစာပြန်ခံစားနိုင်အောင် စီစဉ်ဆောင်ရွက်ပေးပြီး ဖြစ်သည့်အပြင် လာမည့် ၂၀၁၉ ခုနှစ် ဇွန်လလစာမှစပြီး ယခင်အတိုင်းခံစားခွင်‌့ ရရှိအောင် စီစဉ်ဆောင်ရွက်ပြီး ဖြစ်ပါကြောင်း ရှင်းလင်းဖြေကြားပါသည်။