Skip to main content

ပြည်သူ့လွှတ်တော်၊ နိုင်ငံသားများ၏ မူလအခွင့်အရေးဆိုင်ရာကော်မတီ ဥက္ကဋ္ဌ ဦးစော Civil Authorize Negotiate Organization (C.A.N-Org) ကံမြန်မာမှ ဥက္ကဋ္ဌ စောဇင်မောင်စိုး ဦးဆောင်သောအဖွဲ့အား လက်ခံတွေ့ဆုံ

ပြည်သူ့လွှတ်တော်၊ နိုင်ငံသားများ၏ မူလအခွင့်အရေးဆိုင်ရာကော်မတီ ဥက္ကဋ္ဌ ဦးစော သည် Civil Authorize Negotiate Organization (C.A.N-Org) ကံမြန်မာမှ ဥက္ကဋ္ဌ စောဇင်မောင်စိုး ဦးဆောင်သောအဖွဲ့အား ယနေ့မွန်းလွဲ ၁ နာရီ အချိန်တွင် နေပြည်တော်ရှိ လွှတ်တော်ရေးရာဆောင် အဆောင်အမှတ် (I-5) အစည်းအဝေးခန်းမ၌ လက်ခံတွေ့ဆုံသည်။

တွေ့ဆုံစဉ် မြန်မာနိုင်ငံရှိ လိင်စိတ်ဝိသေသလက္ခဏာ ကွဲပြားသူများဆိုင်ရာ အခွင့်အရေးများ၊ လိင်စိတ်ခံယူကွဲပြားမှုအပေါ် ကြုံတွေ့နေရသော ပြဿနာများ၊ ခွဲခြားဆက်ဆံခံရမှုများနှင့် LGBT အခွင့်အရေး ဆောင်ရွက်ချက်များအပေါ် ကူညီနိုင်မည့်အကြံပြုချက်များနှင့် စပ်လျဉ်းပြီး ရင်းနှီး ပွင့်လင်းစွာ ဆွေးနွေးခဲ့ကြသည်။

အဆိုပါတွေ့ဆုံပွဲသို့ ကော်မတီဥက္ကဋ္ဌနှင့်အတူ အတွင်းရေးမှူး ဦးဝင်းမြင့်အောင်နှင့် ကော်မတီ အဖွဲ့ဝင်များ တက်ရောက်ခဲ့ကြသည်။

၂၀၁၉ ခုနှစ်၊ နိုဝင်ဘာလ ၂၅ ရက်