Skip to main content

ပြည်သူ့လွှတ်တော်၊ တိုင်ကြားစာနှင့် အသနားခံစာများဆိုင်ရာ ကော်မတီဥက္ကဋ္ဌ ဦးမြင့်လွင် ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Mrs. Christine Schraner Burgener နှင့်အဖွဲ့အား လက်ခံတွေ့ဆုံ

 

ပြည်သူ့လွှတ်တော်၊ တိုင်ကြားစာနှင့်အသနားခံစာများဆိုင်ရာ ကော်မတီဥက္ကဋ္ဌ ဦးမြင့်လွင် နှင့်အဖွဲ့ဝင်များသည် ကုလသမဂ္ဂအထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Mrs. Christine Schraner Burgener နှင့်အဖွဲ့အား ယနေ့ညနေ ၃ နာရီ အချိန်တွင် နေပြည်တော်ရှိ လွှတ်တော်ရေးရာဆောင် အဆောင်အမှတ် (I-11) အစည်းအဝေးခန်းမ၌ လက်ခံတွေ့ဆုံသည်။

တွေ့ဆုံရာတွင် ကော်မတီဥက္ကဋ္ဌ ဦးမြင့်လွင်က ကော်မတီ၏ဖွဲ့စည်းမှုများ၊ တာဝန်ယူဆောင်ရွက်ရသည့် လုပ်ငန်းတာဝန်များနှင့် တိုင်ကြားစာများ၊ အသနားခံစာများကို ကော်မတီအနေဖြင့် တာဝန်ယူဖြေရှင်း ဆောင်ရွက်ရသည့် လုပ်ငန်းစဉ်များအား ရှင်းလင်းပြောကြားပြီး Mrs. Christine Schraner Burgener က သိရှိလိုသည်များကို မေးမြန်း၍ တိုင်ကြားစာများနှင့်စပ်လျဉ်းသည့် အကြံပြုချက်များပေးကာ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးကြသည်။

အဆိုပါတွေ့ဆုံပွဲသို့ ကော်မတီဥက္ကဋ္ဌနှင့်အတူ အတွင်းရေးမှူး ဦးစောသလေးစောနှင့် ကော်မတီ အဖွဲ့ဝင်များ တက်ရောက်ခဲ့ကြသည်။

၂၀၁၉ ခုနှစ်၊ ဇူလိုင်လ ၁၇ ရက်