Skip to main content

ပြည်ထောင်စုသမ္မတမြန်မာနိုင်ငံတော်၊ ပြည်သူ့လွှတ်တော်ဥက္ကဋ္ဌ ဦးတီခွန်မြတ် နယူးဇီလန်နိုင်ငံ၊ လွတ်လပ်သော စုံစမ်းစစ်ဆေးရေးကော်မရှင် (Ombudsman) ၏ အကြီးအကဲဖြစ်သူ Mr. Peter Boshier အား လက်ခံတွေ့ဆုံ

ပြည်သူ့လွှတ်တော်ဥက္ကဋ္ဌ ဦးတီခွန်မြတ် သည် နယူးဇီလန်နိုင်ငံ၊ လွတ်လပ်သော စုံစမ်းစစ်ဆေးရေးကော်မရှင် (Ombudsman) ၏ အကြီးအကဲဖြစ်သူ Mr. Peter Boshier အား ယနေ့နံနက် ၁၁ နာရီတွင် နေပြည်တော်ရှိ လွှတ်တော် အဆောက်အအုံ၊ ပြည်သူ့လွှတ်တော်ဆောင် ဧည့်ခန်းမ၌ လက်ခံ တွေ့ဆုံသည်။

ထိုသို့တွေ့ဆုံစဉ် ပြည်သူ့လွှတ်တော်တွင် တိုင်ကြားစာနှင့် အသနားခံစာဆိုင်ရာ ကော်မတီဖွဲ့စည်းကာ ကော်မတီ လုပ်ငန်းဆောင်ရွက်နေမှုများ၊ ပြည်သူများထံမှ ပေးပို့တင်ပြလာသည့် တိုင်ကြားစာများ၊ အသနားခံစာများနှင့် ပတ်သက်၍ သက်ဆိုင်ရာ ဌာန အသီးသီး၏ ဖြေရှင်းဆောင်ရွက်နေမှုပုံစံများ၊ နယူးဇီလန်နိုင်ငံရှိ Ombudsman ရုံးနှင့် ၎င်း၏ဘဏ္ဍာငွေ ခွဲဝေရရှိမှုဆိုင်ရာများနှင့်စပ်လျဉ်း၍  ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြသည်။

အဆိုပါတွေ့ဆုံပွဲသို့ ပြည်သူ့လွှတ်တော်ဥက္ကဋ္ဌနှင့်အတူ ပြည်သူ့လွှတ်တော်ဒုတိယ ဥက္ကဋ္ဌ ဦးထွန်းထွန်းဟိန်နှင့် ပြည်သူ့လွှတ်တော်ရုံးမှ တာဝန်ရှိသူများ တက်ရောက်ခဲ့ကြပြီး နယူးဇီလန်နိုင်ငံ၊ လွတ်လပ်သော စုံစမ်းစစ်ဆေးရေး ကော်မရှင်(Ombudsman)၏ အကြီးအကဲဖြစ်သူ Mr. Peter Boshier နှင့်အတူ ပြည်ထောင်စုသမ္မတမြန်မာ နိုင်ငံတော်ဆိုင်ရာ နယူးဇီလန်နိုင်ငံ သံအမတ်ကြီး H.E. Mr. Steve Marshall လည်း တက်ရောက်ခဲ့သည်။

၂၀၁၉ ခုနှစ်၊ ဇွန်လ ၂၇ ရက်