(က)-ပြည်ထောင်စုအဆင့်နှင့်တိုင်းဒေသကြီး/ပြည် နယ်အဆင့်များတွင် တာဝန်ထမ်းဆောင် နေကြသူ များအား လွှတ်တော် ကိုယ်စားလှယ်များက ဆက် သွယ်နိုင်မည့်အရေးပေါ်ဆက်သွယ်ရေးလမ်းကြောင်း တစ်ခုဖွင့်ပေးထားရန်အစီအစဉ်ရှိ၊မရှိ နှင့်စပ်လျဉ်း သည့် မေးခွန်း

ဦးမြင့်လွင်(တွံတေးမဲဆန္ဒနယ်)အရေးပေါ် အဆောတလျင် ဆက်သွယ်နိုင်မည့် တယ်လီဖုန်းဆက်သွယ်ရေး Hot Line တစ်ခု စီစဉ် ပေးရန် သက်ဆိုင်ရာဝန်ကြီးဌာနမှ အစီအစဉ်ရှိ/မရှိ ကိုသိလိုပါကြောင်းမေးမြန်းပါသည်။


ဖြေကြားသူ
ပို့ဆောင်ရေးနှင့် ဆက်သွယ်ရေးဝန်ကြီးဌာန၊ဒုတိယဝန်ကြီး ဦးကျော်မျိုး
အဖြေ

Hot Line ဆိုသည်မှာ Point to Point ဆက်သွယ်ရေးစနစ်တစ်ခုဖြစ်ပါကြောင်း၊ မူရင်းအသုံးအနှုန်း မှ နှစ်နိုင်ငံအကြား နိုင်ငံံအကြီးအကဲနှစ်ဦး တိုက်ရိုက်ပြောဆိုနိုင်ရန် ချိတ်ဆက်ထားသည့်ဆက်သွယ်ရေး လမ်းကြောင်းတစ်ခုဖြစ်ပါကြောင်း၊ Hot Line စနစ်ချိတ်ဆက်ထားသည် တယ်လီဖုန်းနှင့် ပြောဆိုသည့် အခါ မည်သည့်နံပါတ်ကိုမှနှိပ်ရန်မလိုဘဲ တယ်လီဖုန်းကိုင်လိုက်သည်နှင့် တစ်ဘက် တယ်လီဖုန်းတွင် ဘဲလ်သံမြည်ပြီး တိုက်ရိုက်ပြောဆိုလို့ရသည့် စနစ်ဖြစ်ပါကြောင်း၊ ဥပမာ ကျူးဘားပြဿနာများ ဖြေရှင်းရန် ၁၉၆၃ ခုနှစ်တွင် စတင်အသုံးပြုခဲ့သည့် မော်စကို-ဝါရှင်တန် Hot Line၊ ၁၉၆၉ ခုနှစ်မှာ နှစ်နိုင်ငံပြဿနာဖြေရှင်းရန် အသုံးပြုခဲ့သည့် မော်စကို-ဘေဂျင်း Hot Line နှင့် ၂၀၁၅ ခုနှစ်တွင် ချိတ်ဆက်ခဲ့သည့် အမေရိကန်-အိန္ဒိယ Hot Line စသည်တို့ဖြစ်ပါကြောင်း၊ သမ္မတ၊ ဝန်ကြီးချုပ်အပြင် အောက်အဆင့်နိုင်ငံခြားရေးဝန်ကြီးများ၊ ကာကွယ်ရေးဝန်ကြီးများကြား၊ နယူးကလီးယား လက်နက် ထိန်းချုပ်ရေး နှင့်ပတ်သက်ပြီး သက်ဆိုင်ရာ အာဏာပိုင်းများအကြား ဆက်သွယ်ရန် Hot Line  များ ချိတ်ဆက်ထားသည်များလည်း ရှိပါကြောင်း၊  

ယခုနောက်ပိုင်းတွင် ပြည်သူများ အရေးပေါ်ကိစ္စွအတွက်ခေါ်ဆိုရန် သတ်မှတ်ထားသည့် တယ်လီဖုန်း နံပါတ်များ သို့မဟုတ် ဝန်ဆောင်မှုတစ်ခုခုရယူရန် ကိစ္စများအတွက် ခေါ်ဆိုရန် သတ်မှတ်ထားသည့် တယ်လီဖုန်းနံပါတ်များကို Hot Line ဟု သုံးစွဲလာခဲ့ကြပါကြောင်း၊ ၎င်းစနစ်သည် Call Center တစ်ခု တွင် Operator လိုင်းများကို တယ်လီဖုန်းနံပါတ်တစ်ခုတည်းဖြင့် ခေါ်ဆိုလို့ရသည့်စနစ်ဖြစ်ပါကြောင်း ၊ ဥပမာ 199 သည် မြန်မာနိုင်ငံရဲတပ်ဖွဲ့၊ 191 သည် မြန်မာနိုင်ငံ မီးသတ်တပ်ဖွဲ့ ၊ 192 သည် အရေးပေါ် လူနာတင်ယာဉ်၊1880သည် ရန်ကုန်-မန္တလေးအမြန်လမ်းစသဖြင့် အရေးပေါ်ဆက်သွယ်ရန် ဖုန်းနံပါတ် များဖြစ်ပါကြောင်း၊ ၎င်းအပြင် စီးပွားရေးအရ တချို့ဝန်ဆောင်မှုလုပ်ငန်းများတွင် Hot Line အဖြစ် အသုံးပြုနေသည့် Call Center တယ်လီဖုန်းနံပါတ် များလည်းရှိပါကြောင်း၊

 နိုင်ငံတော်သမ္မရုံး နှင့် နိုင်ငံတော်၏ အတိုင်ပင်ခံပုဂ္ဂိုလ်ရုံးများရှိ Website နှင့် Facebook တို့ တွင် ပြည်သူအနေဖြင့် အကြံပြုစာ၊ တိုင်ကြားစာများကို အချိန်မရွေး တရားဝင်ပေးပို့နိုင်ရန် စီစဉ်ဆောင်ရွက် ထားပြီးလက်ခံရရှိသည့် တိုင်ကြားစာများကို သက်ဆိုင်ရာဝန်ကြီးဌာနများသ့ိုပေးပို့ ဖြေရှင်းဆောင်ရွက် စေပြီး ပြန်လည်တင်ပြလျက်ရှိပါကြောင်း၊ ထို့အပြင် ပြည်ထောင်စုဝန်ကြီးများ နှင့် တိုင်းဒေသကြီး/ ပြည်နယ်ဝန်ကြီးချုပ်များ ထံ တိုက်ရိုက်ဆက်သွယ်လာမှုများ အပေါ်ညှိနှိုင်းဖြေရှင်း ဆောင်ရွက်ပေး လျက်ရှိပါကြောင်း၊ မိုဘိုင်းတယ်လီဖုန်းများကို နိုင်ငံတစ်ဝန်းဆက်သွယ်အသုံးပြုလျက်ရှိခြင်း၊ ရုံးခန်း နှင့် နေအိမ်များတွင် Auto Telephone များ တပ်ဆင်အသုံးပြုလျက်ရှိခြင်း၊ လူကိုယ်တိုင်တွေ့ဆုံ ဆွေးနွေး/တိုင်ကြားနိုင်ခြင်းတို့ကြောင့် လည်းကောင်း၊ နိုင်ငံတကာတွင်လည်း လွှတ်တော်ကိုယ်စား လှယ်ကြီးများနှင့် ပြည်ထောင်စုအဆင့်၊ တိုင်းဒေသကြီးနှင့် ပြည်နယ်အဆင့်များတွင် တာဝန် ထမ်းဆောင်နေသည့် ပုဂ္ဂိုလ်များအကြား ဆက်သွယ်နိုင်သည့် Hot Line များ မရှိခြင်းတို့ကြောင့် လည်းကောင်း၊ ပြည်ထောင်စုအဆင့်နှင့် တိုင်းဒေသကြီး/ပြည်နယ်အဆင့်များတွင် တာဝန်ထမ်း ဆောင်နေကြသူများ ကို လွှတ်တော်ကိုယ်စားလှယ်များမှ အဆောတလျင် ဆက်သွယ်အကြောင်းကြား နိုင်မည့် အရေးပေါ် ဆက်သွယ်ရေးလမ်းကြောင်း Hot Line တစ်ခု ဖွင့်လှစ်ပေးရန် နိုင်ငံတော်အစိုးရ အနေဖြင့် ဆောင်ရွက်ပေးရန် အစီအစဉ်မရှိပါကြောင်း ဖြေကြားခဲ့ပါသည်။