Skip to main content

ဒုတိယအကြိမ်လွှတ်တော်များ၏ (၃) နှစ်မြောက်နှစ်ပတ်လည်နေ့ အခမ်းအနားကျင်းပ

ပြည်ထောင်စုသမ္မတမြန်မာနိုင်ငံတော် ဒုတိယအကြိမ်လွှတ်တော်များ၏ (၃) နှစ် မြောက် နှစ်ပတ်လည်နေ့ အခမ်းအနားကို ယနေ့နံနက် ၁၁ နာရီခွဲတွင် နေပြည်တော်ရှိ လွှတ်တော်ဝင်း ထမင်းစားခန်းမဆောင်၌ ကျင်းပရာ နိုင်ငံတော်သမ္မတ ဦးဝင်းမြင့်နှင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ တက်ရောက်ဂုဏ်ပြု အမှာစကားပြောကြားသည်။

နှစ်ပတ်လည်နေ့ အခမ်းအနားသို့ ဒုတိယသမ္မတများ ဖြစ်ကြသည့် ဦးမြင့်ဆွေ၊ ဦးဟင်နရီဗန်ထီးယူ၊ ပြည်သူ့လွှတ်တော်ဥက္ကဋ္ဌ ဦးတီခွန်မြတ်၊ အမျိုးသားလွှတ်တော် ဥက္ကဋ္ဌ မန်းဝင်းခိုင်သန်း၊ ပြည်ထောင်စုတရားသူကြီးချုပ် ဦးထွန်းထွန်းဦး၊ နိုင်ငံတော် ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌ ဦးမျိုးညွန့်၊ ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးလှသိန်း၊ ပထမအကြိမ်လွှတ်တော်များတွင် ဥက္ကဋ္ဌများအဖြစ် တာဝန် ယူခဲ့ကြသည့် သူရဦးရွှေမန်းနှင့် ဦးခင်အောင်မြင့်၊ ပြည်သူ့လွှတ်တော် ဒုတိယဥက္ကဋ္ဌ ဦးထွန်းထွန်းဟိန်၊ ပြည်ထောင်စုဝန်ကြီးများ၊ ပြည်ထောင်စုရှေ့နေချုပ်၊ ပြည်ထောင်စု စာရင်းစစ်ချုပ်၊ ပြည်ထောင်စုရာထူးဝန်အဖွဲ့ဥက္ကဋ္ဌ၊ အဂတိလိုက်စားမှုတိုက်ဖျက်ရေး ကော်မရှင်ဥက္ကဋ္ဌ၊ မြန်မာနိုင်ငံအမျိုးသား လူ့အခွင့်အရေး ကော်မရှင်ဥက္ကဋ္ဌ၊ နေပြည်တော် ကောင်စီဥက္ကဋ္ဌ၊ ပြည်သူ့လွှတ်တော်နှင့် အမျိုးသားလွှတ်တော် ကိုယ်စားလှယ်များ၊ ဌာန ဆိုင်ရာ အကြီးအကဲများနှင့် ဖိတ်ကြားထားသူများ တက်ရောက်ကြသည်။

ထို့နောက် နိုင်ငံတော်သမ္မတ ဦးဝင်းမြင့် က မိန့်ခွန်းပြောကြားရာတွင် ဒီနေ့ဟာဆိုရင် မြန်မာ့ဒီမိုကရေစီအသွင်ကူးပြောင်းရေး မှတ်တမ်းဝင်တဲ့နေ့ တစ်နေ့ဖြစ်ပါတယ်။ အခုဆိုရင် ဒုတိယအကြိမ် လွှတ်တော်သက်တမ်း သုံးနှစ်မြောက် နေ့ ဖြစ်ပါတယ်။ လွှတ်တော်ဆိုတာ အချုပ်အခြာအာဏာပိုင်တဲ့ ပြည်သူလူထုက ရွေးကောက်တင်မြောက်ပြီး လုပ်ပိုင်ခွင့်အာဏာ အပ်နှင်းလိုက်တဲ့ ကိုယ်စားလှယ်များနဲ့ ဖွဲ့စည်းထားတဲ့အဖွဲ့အစည်းကြီး ဖြစ်တာကြောင့် လွှတ်တော်ရဲ့ အရှိန်အဝါက ကြီးမားလှပါတယ်။  ထို့အတူ ဒီကိုယ်စားလှယ်များက တိုင်းရေးပြည်ရာများဆွေးနွေးဖို့ စုဝေးရာအရပ်ဒေသ ဥပဇာဖြစ်တဲ့ လွှတ်တော်အဆောက်အဦးရဲ့ ခမ်းနားထည်ဝါမှုကလည်း ကြီးမားပါတယ်။

လွှတ်တော်ကိုယ်စားလှယ်ဆိုတာ ကျွန်တော်တို့ လွှတ်တော်ဆိုင်ရာ ဥပဒေပြဋ္ဌာန်းချက်မှာပါတဲ့ အတိုင်းပြောမယ်ဆိုရင် ဂုဏ်ထူးဝိသေသနဲ့ ပြည့်စုံသော အများကလေးစားအပ်တဲ့ ပုဂ္ဂိုလ်များ ဖြစ်ပါတယ်။ ဂုဏ်ထူးဝိသေသနဲ့ ပြည့်စုံသောဆိုတဲ့နေရာမှာ ဂုဏ်ထူးထွက်ဖို့ လွှတ်တော်ဆိုင်ရာ ဥပဒေ၊ နည်းဥပဒေတွေကို ကြေညက်ဖို့လိုပါတယ်။ ထို့အတူ ဝိသေသဆိုတဲ့နေရာမှာ ဒီမိုကရေစီ အသွင်ကူးပြောင်းရေးရဲ့ လွှတ်တော်ဖြစ်တဲ့အတွက် ဒီမိုကရေစီရဲ့ ဝိသေသလက္ခဏာတွေကိုလည်း နားလည်သဘောပေါက်ဖို့ လိုပါတယ်။ အများကလေးစားအပ်တဲ့ ပုဂ္ဂိုလ်ဖြစ်ဖို့ဆိုရင် နိုင်ငံတော်နဲ့ နိုုင်ငံသူနိုင်ငံသားတွေရဲ့အကျိုး၊ မဲဆန္ဒရှင်ပြည်သူတွေရဲ့အကျိုးကို တာဝန်ကျေပွန်စွာ ထမ်းဆောင်ကြဖို့ လိုပါတယ်။

ဒါ့အပြင် တစ်နေရာမှာတွေ့ရှိရတာက လွှတ်တော်ကိုယ်စားလှယ်တွေကို ဒေသ ဆိုင်ရာအာဏာပိုင် အဖွဲ့အစည်းက အလေးထားတိုင်ပင်အပ်သော ပုဂ္ဂိုလ်များလို့ ပြဋ္ဌာန်းထားတာကို တွေ့ရပါတယ်။ ဒေသဆိုင်ရာ အာဏာပိုင်အဖွဲ့အစည်းက အလေးထားတိုင်ပင်အပ်သော ပုဂ္ဂိုလ်ဖြစ်အောင်လည်း ကိုယ်စားလှယ်များအနေနဲ့ အထွေထွေဗဟု သုတကြွယ်ဝဖို့ လိုပါတယ်။ နိုင်ငံရေးအမြင်၊ စီးပွားရေးအမြင်၊ လူမှုရေးအမြင်၊ လုံခြုံရေးအမြင်တွေရှိရမယ့်အပြင် ဒေသဆိုင်ရာအမြင်နဲ့ နိုင်ငံတကာအမြင်လည်း ရှိဖို့လိုပါတယ်။ အဲဒါကြောင့် ကျွန်တော်တို့လွှတ်တော် ကိုယ်စားလှယ်တွေနဲ့ ပတ်သက်ပြီး မိမိတို့မဲဆန္ဒ နယ်မြေရဲ့စီမံကိန်းတွေမှာ ဆိုရင်လည်း ဖွဲ့စည်းပုံအခြေခံဥပဒေနဲ့ မဆန့်ကျင်ဘဲ ဒေသဆိုင်ရာအာဏာပိုင် အဖွဲ့အစည်းက ပေါင်းစပ်ညှိနှိုင်းဆွေးနွေးအပ်တဲ့ ပုဂ္ဂိုလ်များ ဖြစ်တယ်လို့ ပြဋ္ဌာန်းထားပါတယ်။

ပေါင်းစပ်ညှိနှိုင်း ဆွေးနွေးအပ်တယ်ဆိုတဲ့နေရာမှာ အထူးသတိပြုရမှာကတော့ ဖွဲ့စည်းပုံအခြေခံ ဥပဒေနဲ့ မဆန့်ကျင်စေဘဲဆိုတာ အထူးသတိပြုရမှာဖြစ်ပါတယ်။ ဘာကြောင့်လဲဆိုရင် အုပ်ချုပ်ရေး မဏ္ဍိုင်၊ ဥပဒေပြုရေးမဏ္ဍိုင်၊ တရားစီရင်ရေးမဏ္ဍိုင် ဒီမဏ္ဍိုင်သုံးရပ်က တစ်ဖွဲ့နဲ့တစ်ဖွဲ့ဝင်ရောက် စွက်ဖက်ခြင်းမျိုးမဟုတ်ဘဲ တတ်နိုင်သမျှပိုင်းခြားသုံးစွဲခြင်းနဲ့ အပြန်အလှန်ထိန်းကျောင်းခြင်းကို ဆောင်ရွက်ရမှာ ဖြစ်ပါတယ်။ ဒါဟာဒီမိုကရေစီအသွင် ကူးပြောင်းရေးမှာ လမ်းကြောင်း တိမ်းစောင်းမှု မရှိအောင် ထိန်းကျောင်းထားတဲ့ ပြဋ္ဌာန်းချက်ဖြစ်ပါတယ်။

ဒါ့အပြင် လွှတ်တော်ကိုယ်စားလှယ်တွေကို ရပိုင်ခွင့်၊ လုပ်ပိုင်ခွင့်အခွင့်အရေးတွေလည်း ပေးထားပါတယ်။ ရပိုင်ခွင့်၊ လုပ်ပိုင်ခွင့် အခွင့်အရေးတွေဟာ တစ်နည်းအားဖြင့် ပြောရမယ်ဆိုရင် လွှတ်တော်ကိုယ်စားလှယ်တွေဟာ ဥပဒေနဲ့အညီ လွတ်လပ်စွာဆောင်ရွက်ခွင့် ပေးထားသလို တစ်ဖက်မှာလည်း မေးခွန်းတွေ၊ အဆိုတွေ၊ ဥပဒေကြမ်းတွေနဲ့ပတ်သက်ရင် ကန့်သတ်ချက်၊ စည်းကမ်းချက်၊ ကျင့်ဝတ်တွေရှိပါတယ်။ ကန့်သတ်ချက်၊ စည်းကမ်းချက်၊ ကျင့်ဝတ်တွေဟာ တကယ်ပြောမယ်ဆိုရင် ကိုယ်စားလှယ်တွေကို တာဝန်ခံမှု၊ တာဝန်ယူမှုရှိစေချင်တာ ဖြစ်ပါတယ်။ တစ်နည်းပြောရမယ်ဆိုရင် လွတ်လပ်ခွင့်နဲ့အခွင့်အရေးကို မှန်ကန်စွာကျင့်သုံးရသလို၊ တာဝန်ယူမှုနဲ့၊ တာဝန်ခံမှုကိုလည်း အလွဲသုံးစားမလုပ်ရဘူး ဆိုတာကို ဒွန်တွဲပြဋ္ဌာန်းထားခြင်း ဖြစ်ပါတယ်။

ဒါ့အပြင် လွှတ်တော်ကိုယ်စားလှယ်တွေဟာ လူထုလူတန်းစား အလွှာအသီးသီးကနေ ရောက်ရှိလာတာဖြစ်ပါတယ်။ အဲဒါကြောင့် တစ်ဦးနဲ့တစ်ဦး၊ တစ်ဖွဲ့နဲ့တစ်ဖွဲ့မတူညီတဲ့ အတွေးအခေါ် အယူအဆတွေရှိကြသလို သဘောထားကွဲပြားမှုတွေလည်း ရှိကြမှာသဘာဝကျပါတယ်။ မတူညီတဲ့ သဘောထားတွေ၊ မတူညီတဲ့ကွဲပြားမှုတွေကို ဒီမိုကရေစီမဏ္ဍိုင်ကြီး ၁၂ ချက်မှာပါတဲ့အတိုင်း သဘောထားကြီးခြင်း၊ သည်းခံခြင်း၊ ခွင့်လွှတ်ခြင်းတွေနဲ့ အပြုသဘောအမြင်နဲ့ ဆွေးနွေးညှိနှိုင်းကြရမှာ ဖြစ်ပါတယ်။ အဲဒီလို ဆွေးနွေးညှိနှိုင်းမှု ရင့်ကျက်တည်ငြိမ်ခိုင်မာ လာတာနဲ့အမျှ ဒီမိုကရေစီ ယဉ်ကျေးမှုထွန်းကားပြီး ကိုယ်စားလှယ်တွေရဲ့ အရည်အသွေးများလည်း တိုးတက်လာကာ လွှတ်တော်ရဲ့ ဂုဏ်သိက္ခာလည်း မြင့်မားလာမှာဖြစ်ပါတယ်။

ကျွန်တော်တို့အမိ မြန်မာနိုင်ငံတော်ဟာ ပြည်ထောင်စုနိုင်ငံတော် ဖြစ်ပါတယ်။ တိုင်းရင်းသားလူမျိုးများ အားလုံးနဲ့ဖွဲ့စည်းထားတာ ဖြစ်ပါတယ်။ ရေမြေတောတောင် သဘာဝတွေမတူညီကြပေမယ့် ပြည်နယ်တိုင်းဒေသကြီး အားလုံးဟာ ပြည်ထောင်စုရဲ့ အစိတ်အပိုင်းများဖြစ်တယ် ဆိုတာကို နှလုံးသွင်းစေချင်ပါတယ်။ ထို့အတူ တိုင်းရင်းသားလူမျိုးများအကြားမှာလည်း ဘာသာစကား၊  စာပေ၊ ယဉ်ကျေးမှု၊ ဓလေ့ထုံးတမ်းစဉ်လာတွေ မတူညီကြပေမယ့် ပြည်ထောင်စုသားများဖြစ်တယ် ဆိုတာကို ခံယူကြစေချင်ပါတယ်။ ပြည်ထောင်စုလွှတ်တော်ကြီးမှာ ပြည်ထောင်စုလွှတ်တော် ကိုယ်စားလှယ်တွေအနေနဲ့ ပြည်ထောင်စုအကျိုးကိုရှေးရှုပြီး မတူညီတဲ့ကွဲပြားမှုတွေကို စုစည်းညီညွတ်ခြင်း ကသာလျှင် ပြည်ထောင်စုရဲ့အင်အားများ ဖြစ်ပါကြောင်းအလေးအနက် ခံယူကြပါရန်ပြောကြားရင်း နိဂုံးချုပ်အပ်ပါတယ်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က မိန့်ခွန်းပြောကြားရာတွင် ဒီကနေ့ ဒုတိယအကြိမ်လွှတ်တော် (၃) နှစ်မြောက် နှစ်ပတ်လည်နေ့အခမ်းအနားမှာ ကျွန်မတို့ရဲ့ ပြည်ထောင်စုလွှတ်တော် ကိုယ်စားလှယ်များ၊ ၀န်ထမ်းများနှင့်အတူရှိ နေနိုင်တဲ့အတွက် အင်မတန်မှ ၀မ်းသာပါတယ်။

ကျွန်မတို့မကြာခဏပြောပါတယ်။ “ဒီမိုကရေစီအစ လွှတ်တော်က” လို့ ။ ဒီနေ့မှာလည်း ကျွန်မပြောချင်ပါတယ်။ “လွှတ်တော်အစ ပြည်သူက” ပါ။ လွှတ်တော်ဆိုတာ ပြည်သူကြောင့် ပေါ်လာတာပါ၊ ဒီမိုကရေစီစနစ်ကြောင့် ပေါ်လာတာပါ။ ဒါကြောင့်မို့ ဒီနေ့မှာ ကျွန်မပြောချင်တာက ကျွန်မတို့ရဲ့လွှတ်တော်ဟာ ဥပဒေပြုမဏ္ဍိုင်တစ်ခုအနေနဲ့သာ မြင်လို့မလုံလောက်ပါဘူး။ လွှတ်တော်ဟာ ကျွန်မတို့နိုင်ငံအတွက်၊ ဒီမိုကရေစီထွန်းကားဖို့အတွက် ပြုစုပျိုးထောင်ပေးတဲ့ ပျိုးခင်း တစ်ခုလို့ မြင်စေချင်ပါတယ်။

ဒီမိုကရေစီလွှတ်တော်တစ်ခု ပေါ်ပေါက်ဖို့ဆိုတာဟာ ပြည်သူလူထုရဲ့ပါဝင်ပတ် သက်မှုဟာ အဓိကကျပါတယ်။ အစကတည်းက ကျွန်မတို့ပြောကြတယ်။ ပါတီစုံဒီမိုကရေစီလို့။ ပါတီစုံဒီမိုကရေစီ ဆိုတာဟာ တကယ်တော့ ပြောဖို့တောင်မလိုပါဘူး။ တစ်ပါတီစနစ်ဆိုရင် ဒီမိုကရေစီ မဖြစ်နိုင်ပါဘူး။ အနည်းဆုံးတော့ နှစ်ပါတီရှိရမယ်။ အဓိကပြောချင်တာက ပြည်သူလူထုမှာ ရွေးချယ်နိုင်တဲ့ အခွင့်အရေးကို ပေးဖို့ဟာ ဒီမိုကရေစီရဲ့ အခြေခံအတွေးအခေါ်တစ်ခု ဖြစ်ပါတယ်။ ကျွန်မတို့ ပြည်သူလူထုကို ရွေးချယ်မှုပေးဖို့ လုပ်တဲ့နေရာမှာ နိုင်ငံရေးပါတီတွေရဲ့ကဏ္ဍ၊ ပြည်သူလူထုရဲ့ကဏ္ဍ တွေပါလာတယ်။ ကျွန်မတို့ လွှတ်တော်မစခင်ကတည်းက နိုင်ငံရေးပါတီများဟာ ပြည်သူလူထုကြားမှာ လှုပ်ရှားဖို့ ကြိုးစားတဲ့အခါမှာ ဒီမိုကရေစီအကြောင်းကို သင်ယူရတယ်။

ဒီမိုကရေစီဆိုတာ ပြည်သူကိုအခြေခံတဲ့စနစ်၊ ပြည်သူရဲ့ထောက်ခံမှုကို ဘယ်လိုရအောင်လုပ်ရမလဲ၊ ပြည်သူကဘာတွေလိုလားသလဲ၊ ပြည်သူရဲ့မျှော်လင့်ချက်တွေက ဘယ်လိုတွေရှိသလဲ၊ စိုးရိမ်မှုတွေက ဘယ်လိုရှိသလဲဆိုတာစပြီးတော့ ဒီလွှတ်တော်ရွေးကောက်ပွဲတွေကို မ၀င်ခင်ကတည်းက နိုင်ငံရေး ပါတီများဟာလေ့လာရတယ်။ အဲဒီဟာကိုက နိုင်ငံရေးပါတီများကို လွှတ်တော်ကိုအကြောင်းပြုပြီး ဒီမိုကရေစီအကြောင်း သင်ပေးလိုက်ရာရောက်ပါတယ်။ နောက်တစ်ခါ ရွေးကောက်ပွဲတွေ ရောက်တဲ့အချိန်ကာလမှာ စည်းမျဉ်းစည်းကမ်း ဥပဒေဘောင်အတွင်းကနေ ပြည်သူကိုဘယ်လို စည်းရုံးရမလဲဆိုတာ သင်ယူရတာကလည်း ဒီမိုကရေစီကို မြှင့်တင်ရာရောက်ပါတယ်။ လွှတ်တော် ထဲကိုဝင်ချင်ရင်၊ လွှတ်တော်ကိုယ်စားလှယ်ဖြစ်ချင်ရင် ပြည်သူလူထုရဲ့ထောက်ခံမှု ရအောင်ယူရမယ်။ မှန်မှန်ကန်ကန်ဥပဒေနဲ့ ကိုက်ညီတဲ့နည်းတွေနဲ့ဘယ်လို ဒီထောက်ခံမှုကို ဘယ်လိုရအောင် ယူရမလဲဆိုတာလွှတ်တော်ကို အကြောင်းပြုပြီးတော့ ကိုယ်စားလှယ်လောင်းများဟာ တစ်ဦးချင်း၊ တစ်ဦးချင်းသင်ယူရတာ ဖြစ်ပါတယ်။ လွှတ်တော်ထဲရောက်လာတဲ့ အခါကျတော့ ဥပဒေပြု မဏ္ဍိုင်ဆိုတာ ၊ ဥပဒေပြုတယ်ဆိုတာဟာ နိစ္စဓူဝ ပြည်သူတွေနဲ့ သက်ဆိုင်တဲ့ဥပဒေတွေတင် မဟုတ်ဘူး။ အခုဆိုရင် ကျွန်မတို့နိုင်ငံအတွက် အဓိကအကျဆုံးဖြစ်တဲ့ ဖွဲ့စည်းပုံအခြေခံဥပဒေနဲ့ ပတ်သက်လို့လည်း လွှတ်တော်ကိုယ်စားလှယ်များဟာ တာဝန်ရှိလာပါတယ်။ ဒီတာဝန်တွေကို ထမ်းဆောင်ဖို့ဆိုတာ ဒီမိုကရေစီကိုပြုစုပျိုးထောင်တဲ့ အလုပ်တစ်ခုပဲလို့ ကျွန်မတို့ ဒီလိုပဲ မြင်စေချင်ပါတယ်။

တချို့တွေကဆိုရင် လွှတ်တော်ကိုယ်စားလှယ်ဆိုတာဟာသိပ်ပြီးတော့ အထင်ကြီး စရာမဟုတ်ဘူးလို့ ထင်တဲ့သူတွေလည်း ရှိပါတယ်။ လွှတ်တော်ကိုယ်စားလှယ်ကနေ တစ်ဆင့် ပိုပြီးကြီးမားတဲ့ ရာထူးတွေကို မျှော်မှန်းတဲ့ပုဂ္ဂိုလ်တွေလည်းရှိပါတယ်။ တကယ်တော့တာဝန်ကျေတဲ့ ပြည်သူ့ကိုယ်စားလှယ် တစ်ယောက်လောက် ဂုဏ်ရှိတဲ့ပုဂ္ဂိုလ်ဆိုတာဟာ ဒီမိုကရေစီစနစ်မှာ မရှိနိုင်ပါဘူး။ တာဝန်ကျေတဲ့ ပြည်သူ့ကိုယ်စားလှယ်ဟာ ပြည်သူလူထုကိုအကျိုးပြုတယ်၊ ပြည်သူလူထုကိုကိုယ်စားပြုတယ်၊ ပြည်သူလူထုအတွက် တစ်ချိန်လုံးစဉ်းစားပေးရပါတယ်။ ကိုယ့်ရဲ့ပါတီအပေါ်မှာရှိတဲ့ တာဝန်၊ ကိုယ့်ရဲ့မြို့နယ်အပေါ်မှာရှိတဲ့တာဝန်၊ ကိုယ့်ရဲ့နိုင်ငံအပေါ်မှာရှိတဲ့ တာဝန်၊ တာဝန်အမျိုးစုံကို ချင့်ချိန်ပြီး၊ မှန်မှန်ကန်ကန်သုံးသပ်ပြီး လေးလေးနက်နက် လုပ်သင့်လုပ်ထိုက်တဲ့ ကိစ္စတွေကို လုပ်ဖို့ဆုံးဖြတ်ရပါတယ်။

စေတနာ၊ မေတ္တာ၊ သတ္တိ၊ ပညာတို့နဲ့ယှဉ်ပြီးတော့ လွှတ်တော်အတွင်းမှာ နိုင်ငံ့အကျိုးအတွက်၊ ပြည်သူ့အကျိုးအတွက် ထမ်းဆောင်ပိုင်ခွင့်ရတဲ့ ကိုယ်စားလှယ်များလောက် ဂုဏ်ရှိတဲ့ပုဂ္ဂိုလ်ဆိုတာ ဒီမိုကရေစီစနစ်မှာ မရှိနိုင်ပါဘူး။ ဒါကြောင့်မို့ ကျွန်မတို့ရဲ့ဒီမိုကရေစီပျိုးခင်းကို ပြုစုပျိုးထောင်ပေးမယ့် လွှတ်တော်ကိုယ်စားလှယ်များ ကိုယ့်ကိုယ်ကို ဂုဏ်ယူစေချင်ပါတယ်။ ကိုယ့်ရဲ့အရည်အချင်း တစ်နေ့ထက်တစ်နေ့ပိုပြီးတော့ တိုးပွားလာအောင်၊ မြင့်မားလာအောင် ကြိုးစားစေချင်ပါတယ်။ လွှတ်တော်အတွင်းမှာ မတူကွဲပြားတဲ့ပါတီများ၊ အမြင်များပြည့်ပြီး အင်အားတစ်ခုဖြစ်အောင် လုပ်နိုင်ဖို့ အခွင့်အရေးတွေလည်း အများကြီးရပါတယ်။

လွှတ်တော်ကိုယ်စားလှယ်တိုင်းဟာ ကိုယ့်ရဲ့ဂုဏ်သိက္ခာအတွက်တင်မဟုတ်၊ ကိုယ့်နိုင်ငံရဲ့ ဂုဏ်သိက္ခာအတွက်ပါ စဉ်းစားဖို့လိုပါတယ်။ လွှတ်တော်ထဲမှာ ကိုယ်ပြောလိုက်တဲ့စကား၊ ပြောပုံပြောနည်း၊ ကိုယ့်ရဲ့ရည်ရွယ်ချက် ဒီဟာတွေဟာ ကိုယ်တစ်ဦးတည်းအပေါ်မှာ ရောင်ပြန်ဟပ်တာ မဟုတ်ပါဘူး။ ကိုယ့်ရဲ့ပါတီတစ်ခုအပေါ်မှာလည်း ရောင်ပြန်ဟပ်တာမဟုတ်ပါဘူး။ ကိုယ့်နိုင်ငံရဲ့အပေါ်မှာပါ ရောင်ပြန်ဟပ်ပါတယ်။ ဒါကြောင့် လွှတ်တော်ကိုယ်စားလှယ်များရဲ့ တာဝန်ဟာအင်မတန်မှ ကြီးလေးပါတယ်။ တကယ့်ကို အများပြည်သူကနေ လေးစားတဲ့၊ ခင်မင်တဲ့၊ တန်ဖိုးထားတဲ့ လွှတ်တော်ကိုယ်စားလှယ်ဆိုတာ ကျွန်မတို့ရဲ့ အခုခေတ်တင်မဟုတ်ဘူး နောင်ခေတ်မှာ လာမယ့်ကိုယ်စားလှယ်တွေ အားလုံးအတွက် စံနာမူနာဖြစ်သွားနိုင်ပါတယ်။ ဒီလို စံနမူနာဖြစ်သွားပြီဆိုရင် ကျွန်မတို့ရဲ့ ဒီမိုကရေစီစနစ် အခြေခိုင်သွားအောင်လို့ လုပ်ပေးရာရောက် ပါတယ်။

ပျိုးခင်းဆိုတာဟာ တစ်နေရာတည်းမှာ ထားဖို့မဟုတ်ပါဘူး။ ဒီပျိုးခင်းကနေစပြီး အပင်လေးတွေ ပွားပြီးတော့ တစ်တိုင်းပြည်လုံးကို ရအောင်လို့လုပ်ပေးနိုင်ပါတယ်။ ကျွန်မတို့ ပြည်ထောင်စု လွှတ်တော်ဟာ တစ်တိုင်းပြည်လုံးက တိုင်းနဲ့ပြည်နယ်တွေက လွှတ်တော်တွေအတွက် ပျိုးခင်းတွေလည်းဖြစ်ပါတယ်။ ဒီမှာလုပ်ပုံလုပ်နည်းတွေ မှန်ကန်ပုံ၊ စေတနာတွေမှန်ကန်ပုံ၊ ဆင်ခြင်တုံတရားတွေကြီးမားပုံ ဒီဟာတွေဟာ တိုင်းနဲ့ပြည်နယ် လွှတ်တော်တွေအထိပါ ပွားသွားမယ်ဆိုရင် ကျွန်မတို့နိုင်ငံဟာ တကယ့်ကို အားလုံးကနေပြီး ယုံကြည်လေးစားနိုင်တဲ့ ဖက်ဒရယ်ပြည်ထောင်စု မြန်မာနိုင်ငံတော်ကြီးဖြစ်လာမှာပဲ ဖြစ်ပါတယ်။ အခုလိုအချိန်မှာ လွှတ်တော်ကိုယ်စားလှယ်များ ဆုံခွင့်ရတဲ့အခါမှာ တစ်ယောက်နဲ့တစ်ယောက် အားပေးကြပါ။ ခင်ခင်မင်မင်ဆက်ဆံကြပါ။ တစ်ယောက်ရဲ့အရည်အချင်း တိုးတက်အောင်လို့ နောက်တစ်ယောက် ကနေပြီး ကူညီပေးကြပါ။

အတိုက်အခံပါတီများဆိုတာ တကယ်တော့ တိုက်ခိုက်ဖို့မဟုတ်ပါဘူး။ တစ်ဦးနဲ့တစ်ဦးနဲ့ အရည်အချင်းမြင့်မားအောင် လုပ်ပေးဖို့ဖြစ်ပါတယ်။ ကိုယ့်မှာအတိုက်အခံရှိမှ ကိုယ်နဲ့မတူကွဲပြားတဲ့ အမြင်ရှိတဲ့ အဖွဲ့အစည်းတွေရှိမှလည်း ကိုယ့်ရဲ့အရည်အချင်းတွေဟာ ပိုပြီးတက်လာမှာပါ။ ဘာကြောင့်လဲဆိုတော့ ကိုယ်နဲ့မတူတဲ့အမြင်တွေရှိရင် ဒီအမြင်တွေဟာ မှန်သလား၊ ကိုယ့်အမြင်က မှန်သလားဆိုတာ ကိုယ်ကချင့်ချိန် သုံးသပ်ရတော့မယ်။ အကယ်၍ ကိုယ့်အမြင်က မမှန်ဘူးဆိုရင် ပြောင်းရဲတဲ့သတ္တိရှိရမယ်။ ကိုယ့်အမြင်က မှန်တယ်ဆိုရင်လည်း ရပ်တည်ရဲတဲ့သတ္တိရှိရမယ်။ ဘယ်သူပဲဝေဖန် ဝေဖန်၊ ဘယ်သူပဲတိုက်ခိုက် တိုက်ခိုက်၊ ကိုယ်တကယ်ပဲ မှန်မှန်ကန်ကန် နိုင်ငံ့အကျိုးအတွက် လုပ်နေတယ်ဆိုရင် ရပ်တည်ရဲတဲ့ သတ္တိရှိရပါလိမ့်မယ်။

ဒါပေမယ့် ကိုယ့်ရဲ့ရပ်တည်ချက်ဟာ တကယ်တော့ နိုင်ငံကိုအကျိုးမပြုဘူးဆိုရင်တော့ ပြောင်းလဲရဲတဲ့ သတ္တိရှိသလိုပြောင်းလဲတတ်တဲ့ ပညာလည်းရှိဖို့ လိုအပ်ပါတယ်။ ဒါကြောင့် ကျွန်မတို့ရဲ့ လွှတ်တော်ကိုယ်စားလှယ်များဟာ ကိုယ့်ကိုယ်ကိုတန်ဖိုးထားပြီး ကိုယ့်နိုင်ငံကိုတန်ဖိုးထားပါ။ ကိုယ့်နိုင်ငံမှာဒီမိုကရေစီအမြစ်တကယ့်ကို ခိုင်ခိုင်မာမာတွယ်သွားဖို့အတွက် ဒီမိုကရေစီပျိုးခင်းလေးကို စေတနာ၊ မေတ္တာ၊ ပညာ၊ သတ္တိနဲ့ ပြုစုပျိုးထောင်ပေးကြပါလို့ မေတ္တာရပ်ခံရင်းနဲ့ နိဂုံးချုပ်ပါတယ်။

 

ထို့နောက် ပြည်သူ့လွှတ်တော်ဥက္ကဋ္ဌ ဦးတီခွန်မြတ်က နှစ်ပတ်လည်နေ့အထိမ်းအမှတ် အမှာစကားပြောကြားရာတွင် ယနေ့သည် ဒုတိယအကြိမ် လွှတ်တော်များ၏ သုံးနှစ် ပြည့်မြောက်သည့် နှစ်ပတ်လည်နေ့ဖြစ်သကဲ့သို့ မိမိတို့လွှတ်တော်များ၏ သက်တမ်း သည်လည်း ရှစ်နှစ်ပြည့်မြောက်ခဲ့ပြီး ဖြစ်ပါကြောင်း၊ နိုင်ငံတော်နှင့် ပြည်သူလူထု၏ အကျိုးစီးပွားကို ဖော်ဆောင်နိုင်မည့် ဒီမိုကရေစီရည်မှန်းချက် ပန်းတိုင်ကို ရောက်ရှိရန်အတွက် မိမိတို့သည် အတူတကွလက်တွဲပြီး ဆက်လက်ကြိုးပမ်း နေကြရဦးမည် ဖြစ်ပါကြောင်း၊ လျှောက်လှမ်းနေဆဲ ဒီမိုကရေစီခရီးအတွက် ခိုင်မာသည့် ဥပဒေပြုရေးမဏ္ဍိုင်တစ်ရပ် ဖြစ်လာရန် လိုအပ်ချက်များ၊ အားနည်းချက်များကိုပြုပြင်ပြီး ယခုထက် ပိုမိုကြိုးစားကြရမည် ဖြစ်ပါကြောင်း။

လွှတ်တော်များ၏ လုပ်ငန်းတာဝန်များ တိုးတက်အောင်မြင်စေရန် ပြည့်စုံခိုင်မာသည့် လွှတ်တော်ဆိုင်ရာဥပဒေ၊ နည်းဥပဒေ၊ လုပ်ထုံးလုပ်နည်းများ၊ လုပ်ငန်းစနစ်များ၊ လူသားအရင်းအမြစ်များ စွမ်းရည်ပြည့်ဝမှုနှင့် အတွေ့အကြုံပိုင်းဆိုင်ရာ လိုအပ်ချက်များကို ပကတိအခြေအနေနှင့် ကိုက်ညီအောင် အမြဲတစေ သုံးသပ်ဆင်ခြင်ကြရန် လိုအပ်ပါကြောင်း၊ ယင်းကဲ့သို့ ပြုပြင်ပြောင်းလဲရေး လုပ်ဆောင်နိုင်ကြမှသာ ပြောင်းလဲ နေသည့် ခေတ်စနစ်နှင့်ညီညွှတ်ပြီး ခိုင်မာအားကောင်းသည့် ဥပဒေပြုရေးမဏ္ဍိုင် တစ်ရပ်အဖြစ် ဆက်လက်ရပ်တည်နိုင်မည် ဖြစ်ပါကြောင်း။

လက်ရှိအချိန်သည် နိုင်ငံတော်နှင့် နိုင်ငံသားများ၏ မျှော်လင့်ချက်ဖြစ်သော စစ်မှန်သည့် ဒီမိုကရေစီဖက်ဒရယ် ပြည်ထောင်စုနိုင်ငံတော်ကြီး ဖြစ်ပေါ်လာစေရေးအတွက် တိုင်းရင်းသားပြည်သူအားလုံး၏စုပေါင်းအားနှင့် ကြိုးစားဖော်ဆောင်နေကြသည့်ကာလ ဖြစ်ပါကြောင်း၊ ယခုလိုအချိန်တွင် မိမိတို့ဥပဒေပြုရေးမဏ္ဍိုင်၏ အခန်းကဏ္ဍသည် မည်သည့်နေရာတွင် ရှိသည်၊ မည်မျှအရေးပါသည်ဆိုသည်ကို တာဝန်ရှိသူများအားလုံး သိရှိကြပြီး ဖြစ်ပါကြောင်း၊ ဥပဒေပြုလွှတ်တော်များသည် ဒီမိုကရေစီအခြေခံအုတ်မြစ် ဖြစ်သကဲ့သို့ လွှတ်တော်များ ခိုင်မာအားကောင်းလာသည်နှင့်အမျှ ပြည်သူကိုဗဟိုပြုမှု နှင့် အခြားသောမဏ္ဍိုင်များနှင့် အပြန်အလှန်ထိန်းကျောင်းမှုများလည်း ပိုမိုအားကောင်း လာမည်ဖြစ်ပါကြောင်း။

ဒုတိယအကြိမ် လွှတ်တော်သက်တမ်းသုံးနှစ် ရှိလာပြီဖြစ်သည့်အတွက် မိမိတို့၏ လွှတ်တော်များအနေဖြင့် ကိုယ်စားလှယ်တစ်ဦးချင်းစီ၏ အရည်အသွေးနှင့် လွှတ်တော် ကော်မတီများ၏ လုပ်ငန်းစွမ်းဆောင်ရည်သည် လွန်စွာအရေးကြီးပါကြောင်း၊ နိုင်ငံတော်တွင် ဥပဒေပြုရေးမဏ္ဍိုင်သည် မရှိမဖြစ်လိုအပ်ပြီး ခိုင်မာအားကောင်း လာစေရေးသည် အရေးကြီးသည်ဆိုသည်ကို လွှတ်တော်ကိုယ်စားလှယ်များ အားလုံး ထင်ထင်ရှားရှား သိမြင်ပြီးဖြစ်ပါကြောင်း၊ လွှတ်တော်ကိုယ်စားလှယ် တစ်ဦးချင်းစီ၏ တာဝန်ဝတ္တရားများနှင့် လွှတ်တော်ဆိုင်ရာလုပ်ငန်းတာဝန်များကို ကျေပွန်အောင် မြင်စေရန်၊ အပြည့်အ၀ထမ်းဆောင်နိုင်ရန် ကြုံတွေ့ရသည့် အခက်အခဲ၊ အားနည်းချက်နှင့် လိုအပ်ချက်များကို ပြန်လည်ဆန်းစစ်သုံးသပ် ပြုပြင် ပြောင်းလဲဆောင်ရွက် ကြရမည်ဖြစ်ပါကြောင်း။

သို့မှသာ နိုင်ငံတော်နှင့် တိုင်းရင်းသားပြည်သူများ၏ မျှော်လင့်ချက်ဖြစ်သည့် ပြုပြင်ပြောင်းလဲရေး လုပ်ငန်းစဉ်အတွက် ပိုမိုကောင်းမွန်သည့် တာဝန်ကျေပွန်မှုနှင့် ပူးပေါင်းဆောင်ရွက်မှုတို့ကို ထင်ထင်ရှားရှား ပြသနိုင်သည့် ဥပဒေပြုရေးမဏ္ဍိုင် တစ်ရပ်အဖြစ် ရပ်တည်နိုင်မည် ဖြစ်ပါကြောင်း။

လွှတ်တော်ကိုယ်စားလှယ်များအနေဖြင့် ကျန်ရှိသည့် သက်တမ်းကာလတွင် လွှတ်တော်များ၏ အဓိကတာဝန်ဖြစ်သည့် ပြည်သူကိုကိုယ်စားပြုခြင်း၊ ဥပဒေပြုခြင်း၊ အပြန်အလှန် ထိန်းကျောင်းခြင်း တာဝန်များကို ကျေပွန်စွာထမ်းဆောင်ကြ စေလိုပါကြောင်း၊ သို့မှသာပြည်သူ့အသံ လွှတ်တော်အသံ၊ ပြည်သူ့ဆန္ဒ လွှတ်တော်ဆန္ဒ၊ ပြည်သူတို့မျှော်လင့်ချက် လွှတ်တော်က ဖော်ဆောင်ရွက်ဆိုသည့် လွှတ်တော်၏ ဆောင်ပုဒ်နှင့်အညီ မဲဆန္ဒရှင်ပြည်သူများ၏ အခြေခံလူမှုစီးပွားဘ၀များ ပိုမိုတိုးတက် ကောင်းမွန်စေရေးအတွက် ကူညီဆောင်ရွက်ပေးနိုင်ကြမည် ဖြစ်ပါကြောင်း။

နိဂုံးချုပ်အနေဖြင့် လွှတ်တော်များသည် နိုင်ငံတော်နှင့် နိုင်ငံသားများ၏ အကျိုးစီးပွားကို ဖော်ဆောင်နိုင်မည့် ဥပဒေများပြဋ္ဌာန်းပေးပြီး အုပ်ချုပ်ရေး၊ တရားစီရင်ရေးမဏ္ဍိုင်များနှင့် ဟန်ချက်ညီညီ အပြန်အလှန်ထိန်းကျောင်းကြရင်း ဒီမိုကရေစီခရီးလမ်းကို ဆက်လက် လျှောက်လှမ်း သွားကြရမည် ဖြစ်ပါကြောင်း၊ ဥပဒေပြုရေးတာဝန်ကို ထမ်းဆောင် နေကြရသည့် မိမိတို့လွှတ်တော်ကိုယ်စားလှယ်များ အားလုံးအနေဖြင့်လည်း မိမိတို့၏ လုပ်ငန်းတာဝန်များကို သိရှိနားလည်ပြီး စွမ်းဆောင်ရည်နှင့် တာဝန်ကျေပွန်မှုတို့ကို ပြသကာပြည်သူ့အကျိုးကို လက်တွေ့ကျကျ ဖော်ဆောင်ပေးနိုင်ကြရန် ဆန္ဒပြု တိုက်တွန်းအပ်ပါကြောင်း ပြောကြားသည်။

ယင်းနောက် အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းက နှစ်ပတ်လည်နေ့ အထိမ်းအမှတ် အမှာစကားပြောကြားရာတွင် လွှတ်တော်သက်တမ်းသည် ယခုဆိုလျှင် သုံးနှစ်တာကာလ ပြည့်မြောက်ခဲ့ပြီးဖြစ်၍ ပြည်သူလူထုအကျိုးအတွက် ဥပဒေပြုကဏ္ဍမှ ဥပဒေများကို ခေတ်စနစ်နှင့်အညီ ပြင်ဆင်ခြင်း၊ ဖြည့်စွက်ခြင်း၊ ရုပ်သိမ်းခြင်း၊ ပြဋ္ဌာန်းပေးခြင်းများ ဆောင်ရွက်ပေးသကဲ့သို့ ပြည်သူလူထု၏ လိုလားချက်၊ ဆန္ဒနှင့် မျှော်လင့်ချက်များကိုလည်း တတ်နိုင်သမျှ ဖြည့်ဆည်းဆောင်ရွက် ပေးနိုင်ခဲ့သည့်အတွက် ပြည်သူကိုကိုယ်စားပြု ဆောင်ရွက်ပေးပါသော လွှတ်တော်ကိုယ်စားလှယ်များနှင့် လွှတ်တော်ရုံးဝန်ထမ်းများကိုလည်း အထူးပင်ကျေးဇူးတင် ရှိပါကြောင်း။

ပြည်သူ့အုပ်ချုပ်ရေးဖြစ်သော ဒီမိုကရေစီစနစ်ကို ဖော်ဆောင်လျှောက်လှမ်းသည့် ခရီး လမ်းတွင် လွှတ်တော်ကိုယ်စားလှယ်များသည် ပါတီစွဲ၊ လူမျိုးစွဲ၊ ဒေသစွဲ၊ ပုဂ္ဂိုလ်စွဲ မထားရှိဘဲ ဥပဒေပြုသူများပီပီ အစွဲကင်းစွာ လက်တွေ့ဘ၀တွင် ပြည်သူများဥပဒေ၏ အကာအကွယ်ဖြင့် အေးချမ်းလုံခြုံစွာ နေနိုင်ရန်၊ ပြည်သူများဥပဒေ၏ အကာ အကွယ်ကိုတန်းတူ ရရှိစေနိုင်ရန် ခေတ်စနစ်နှင့်အညီ ကိုက်ညီသည့် ဥပဒေများကို ပြဋ္ဌာန်းနိုင်ရန် အားသွန်ခွန်စိုက် ဆက်လက်ကြိုးပမ်းထမ်းဆောင် သွားကြရမည် ဖြစ်ပါကြောင်း။

ရှေ့ဆက်၍လည်း ပြည်သူလူထုကိုယ်စားပြု လွှတ်တော်များ၏ လွှတ်တော် ကိုယ်စားလှယ်များသည် လွှတ်တော်အလိုက်ဖြစ်စေ၊ ကော်မတီအလိုက်ဖြစ်စေ၊ ကိုယ်စားလှယ်တစ်ဦး ချင်းစီဖြစ်စေ ဆက်လက်ဆောင်ရွက်ရန် ကျန်ရှိနေသေးသည့် ဥပဒေပြုရေးဆိုင်ရာ လုပ်ငန်းစဉ်များကို ဆောင်ရွက်ရင်း ပြည်သူကိုဗဟိုပြုသည့် ဒီမိုကရေစီစနစ် ပိုမိုထွန်းကားအောင် ၀ိုင်းဝန်းကြိုးပမ်း ဆောင်ရွက်ကြရမည် ဖြစ်ပါကြောင်း။

ထို့အတူ နိုင်ငံသားတစ်ဦးချင်းစီ၏ အခြေခံလူ့အခွင့်အရေး၊ ဒီမိုကရေစီအရေးနှင့်လူမှု စီးပွားဘ၀များ ဖွံ့ဖြိုးတိုးတက်ရေးတို့အတွက် ဥပဒေပြုရေးကဏ္ဍတွင် အားကိုးအားထား ပြုစရာ လွှတ်တော်မှတစ်ပါး အခြားမရှိပြီဟု ဆိုရလောက်အောင် မိမိတို့လွှတ်တော် ကိုယ်စားလှယ်များအနေဖြင့် နိုင်ငံနှင့်ပြည်သူ့အကျိုးအတွက် အစွမ်းကုန်ကြိုးစား ဆောင်ရွက်ပေးကြရန်လည်း တိုက်တွန်းပြောကြားလိုပါကြောင်း။

ပြည်ထောင်စုကြီးတစ်ဝန်းလုံး တောင်ပေါ်မြေပြန့် မခွဲခြားဘဲ ဒေသအသီသီး တစ်ပြေးညီ ဖွံ့ဖြိုးတိုးတက်ရေးအတွက် ပြည်သူပြည်သားများ၏ ဆန္ဒများ၊ လိုအပ်ချက်များကို အစဉ်နားစွင့်ရင်း၊ သိနိုင်အောင် အမြဲကြိုးစားရင်း မိမိတို့၏ လွှတ်တော်ဆောင်ပုဒ် ဖြစ်သည့် ပြည်သူ့အသံလွှတ်တော်အသံ၊ ပြည်သူ့ဆန္ဒလွှတ်တော်ဆန္ဒ၊ ပြည်သူတို့ မျှော်လင့်ချက်လွှတ်တော်က ဖော်ဆောင်ရွက် ဆိုသည့်အတိုင်း မိမိတို့ဖြတ်သန်း လာခဲ့သည့် လွှတ်တော်သက်တမ်း သုံးနှစ်တာကာလအတွင်း ရရှိခဲ့သည့် အတွေ့အကြုံ ကောင်းများဖြင့် ပြည်ထောင်စုစိတ်ဓာတ် အရင်းခံကာ ငြိမ်းချမ်းသာယာ ဖွံ့ဖြိုးတိုးတက်သည့် ဒီမိုကရေစီဖက်ဒရယ် ပြည်ထောင်စုကြီးကို အတူတကွ တည်ဆောက်နိုင်ကြရန် ဆန္ဒပြုတိုက်တွန်း အပ်ပါကြောင်း ပြောကြားသည်။

ထို့နောက် လွှတ်တော်နှစ်ပတ်လည်နေ့ အထိမ်းအမှတ်ပစ္စည်းကိုပေးအပ်ရာ နိုင်ငံတော်သမ္မတနှင့် နိုင်ငံတော်၏ အတိုင်ပင်ခံပုဂ္ဂိုလ်တို့အား ပြည်သူ့လွှတ်တော်ဥက္ကဋ္ဌက လည်းကောင်း၊ လွှတ်တော်အစည်းအဝေးများ အောင်မြင်စွာ ကျင်းပနိုင်ရေးအတွက် အဓိကပူးပေါင်း ပါဝင်ခဲ့ကြသည့် ပြန်ကြားရေးဝန်ကြီးဌာန၊ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ လျှပ်စစ်နှင့်စွမ်းအင် ၀န်ကြီးဌာနမှ ပြည်ထောင်စု ၀န်ကြီးများနှင့် ပြည်ထဲရေးဝန်ကြီးဌာနမှ ဒုတိယ၀န်ကြီးတို့အား အမျိုးသားလွှတ်တော် ဥက္ကဋ္ဌကလည်းကောင်း၊ ကျန်းမာရေးနှင့် အားကစားဝန်ကြီးဌာန၊ ဆောက်လုပ်ရေးဝန်ကြီးဌာနတို့မှ ပြည်ထောင်စုဝန်ကြီးများနှင့် နေပြည်တော်ကောင်စီ ဥက္ကဋ္ဌတို့အား ပြည်သူ့လွှတ်တော် ဒုတိယဥက္ကဋ္ဌက လည်းကောင်း၊ နှစ်ပတ်လည်နေ့ အထိမ်းအမှတ်အဖြစ် “နောင်တွင် ဥဒါန်းတွင်စေသတည်း” ရုပ်ရှင်ဇာတ်ကား ကူညီပြသပေးမှုအတွက် ကိုယ်စားလှယ်တစ်ဦးအား ပြည်သူ့လွှတ်တော် ဒုတိယဥက္ကဋ္ဌကလည်းကောင်း အထိမ်းအမှတ်ပစ္စည်းများ ပေးအပ်သည်။

ယင်းနောက် နိုင်ငံတော်သမ္မတ၊ နိုင်ငံတော်၏ အတိုင်ပင်ခံပုဂ္ဂိုလ်၊ ဒုတိယသမ္မတများ၊ ပြည်သူ့လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌတို့သည် နှစ်ပတ်လည်နေ့ အခမ်းအနားသို့ တက်ရောက်လာကြသူများနှင့်အတူ ဂုဏ်ပြုနေ့လယ်စာကို အတူတကွ သုံးဆောင်ကြသည်။

ဂုဏ်ပြုနေ့လယ်စာစားပွဲ အပြီးတွင် နိုင်ငံတော်သမ္မတ၊ နိုင်ငံတော်၏ အတိုင်ပင်ခံပုဂ္ဂိုလ်၊ ဒုတိယသမ္မတများ၊ ပြည်သူ့လွှတ်တော်ဥက္ကဋ္ဌ၊ အမျိုးသားလွှတ်တော် ဥက္ကဋ္ဌတို့သည် အခမ်းအနားသို့ တက်ရောက်လာ ကြသူများအား ခင်မင်ရင်းနှီးစွာ နှုတ်ဆက်ကြပြီး လွှတ်တော်သဘင်ဆောင်၌ ပြသသည့် “နောင်တွင် ဥဒါန်းတွင်စေသတည်း” ရုပ်ရှင် ဇာတ်ကားကို ကြည့်ရှုအားပေးကြသည်။

၂၀၁၉ ခုနှစ်၊ ဖေဖော်ဝါရီလ ၁ ရက်