Skip to main content

ပြည်သူ့လွှတ်တော်၊သယံဇာတနှင့် သဘာဝပတ်ဝန်းကျင် ထိန်းသိမ်းရေးဆိုင်ရာ ကော်မတီ ဥက္ကဋ္ဌ ဦးစိုးသူရထွန်း ကမ္ဘာ့ဘဏ်အုပ်စုမှ ပတ်ဝန်းကျင်ဆိုင်ရာ ဝါရင့် ကျွမ်းကျင်သူ Mr. Martin Fodor ဦးဆောင်သော အဖွဲ့အား လက်ခံတွေ့ဆုံ

ပြည်သူ့လွှတ်တော်၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဆိုင်ရာ ကော်မတီ ဥက္ကဋ္ဌ ဦးစိုးသူရထွန်း သည် ကမ္ဘာ့ဘဏ်အုပ်စုမှ ပတ်ဝန်းကျင်ဆိုင်ရာ ဝါရင့်ကျွမ်းကျင်သူ         Mr. Martin Fodor ဦးဆောင်သော အဖွဲ့အား ယနေ့မွန်းလွဲ ၂ နာရီ အချိန်တွင် နေပြည်တော်ရှိ လွှတ်တော်ရေးရာဆောင် အဆောင်အမှတ် (I-10) အစည်းအဝေးခန်းမ၌ လက်ခံတွေ့ဆုံသည်။

ထိုသို့တွေ့ဆုံရာတွင်  သစ်တော၊ ငါးလုပ်ငန်း၊ ပတ်ဝန်းကျင်နှင့် လေထုညစ်ညမ်းမှု စီမံခန့်ခွဲရေး ကဏ္ဍတို့အပေါ် တိုးတက်မှုများကို သုံးသပ်ရန်၊ သစ်တောကဏ္ဍ ရင်းနှီးမြှုပ်နှံမှုစီမံချက် ပြင်ဆင် ဆောင်ရွက်ရန်နှင့်စပ်လျဉ်းပြီး သစ်တောနှင့် ငါးလုပ်ငန်းဆိုင်ရာ ကိစ္စရပ်များ၊ သဘာဝ ပတ်ဝန်းကျင်နှင့် သယံဇာတထိန်းသိမ်းစောင့်ရှောက်မှုဆိုင်ရာ ကိစ္စရပ်များ၊ သဘာဝဘေးအန္တရာယ် ကြိုတင်ကာကွယ်ရေး ဆိုင်ရာ ကိစ္စရပ်များအား ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြသည်။

အဆိုပါတွေ့ဆုံပွဲသို့ ကော်မတီ ဥက္ကဋ္ဌနှင့်အတူ အတွင်းရေးမှူး ဦးအေးနိုင်နှင့် ကော်မတီ အဖွဲ့ဝင်များ တက်ရောက်ခဲ့ကြသည်။

၂၀၁၈ ခုနှစ် ၊ ဒီဇင်ဘာလ ၁၁ ရက်