Skip to main content

ပြည်သူ့လွှတ်တော်၊ စိုက်ပျိုးရေး၊ မွေးမြူရေးနှင့် ကျေးလက်လူမှုဘဝ ဖွံ့ဖြိုးတိုးတက်ရေး ကော်မတီဥက္ကဋ္ဌ ဦးရန်လင်း Westminster Foundation For Democracy (WFD) ၏ အကြံပေးပုဂ္ဂိုလ် Sir Hugh Bayley အား လက်ခံတွေ့ဆုံ

 

ပြည်သူ့လွှတ်တော်၊ စိုက်ပျိုးရေး၊ မွေးမြူရေးနှင့် ကျေးလက်လူမှုဘဝ ဖွံ့ဖြိုးတိုးတက်ရေး ကော်မတီ ဥက္ကဋ္ဌ ဦးရန်လင်း သည် Westminster Foundation For Democracy (WFD) ၏ အကြံပေးပုဂ္ဂိုလ် Sir Hugh Bayley အား ယနေ့ နံနက် ၈ နာရီ အချိန်တွင် နေပြည်တော်ရှိ လွှတ်တော် ရေးရာဆောင်  အဆောင်အမှတ် (I-10) ဧည့်ခန်းမ၌  လက်ခံတွေ့ဆုံသည်။

တွေ့ဆုံစဉ် ကော်မတီ၏လုပ်ငန်းနှင့် မူဝါဒဆိုင်ရာများ အထောက်အကူပြုရေး နှင့်စပ်လျဉ်း၍ ကော်မတီ၏လုပ်ငန်းဆောင်ရွက်နေမှုများ၊ ဥပဒေပြုရေးကဏ္ဍဆိုင်ရာကိစ္စရပ်များ၊ ကော်မတီသို့ ပေးပို့လာသော တိုင်ကြားစာများနှင့်ပတ်သက်ပြီး ဆောင်ရွက်မှုများ၊ ဝန်ကြီးဌာနများနှင့် ပေါင်းစပ်ညှိနှိုင်းဆောင်ရွက်မှုများအား ရင်းနှီးပွင့်လင်းစွာ အပြန်အလှန် ဆွေးနွေးခဲ့ကြသည်။

အဆိုပါတွေ့ဆုံပွဲသို့ ကော်မတီ ဥက္ကဋ္ဌနှင့်အတူ အတွင်းရေးမှူး ဦးမောင်မောင်ဦးနှင့် ကော်မတီအဖွဲ့ဝင်များဖြစ်ကြသည့် ဒေါက်တာတင်ဌေးအောင်နှင့် ဦးရွှေကို တို့ တက်ရောက်ခဲ့ကြ သည်။

၂၀၁၈ ခုနှစ်၊ ဒီဇင်ဘာလ ၄ ရက်