Law Database | Mail | English Version

ဒုတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေး၌ ပြည်သူ့လွှတ်တော် ဥက္ကဋ္ဌ ပြောကြားသည့် နှုတ်ခွန်းဆက်အမှာစကား

ပြည်သူ့လွှတ်တော် ကိုယ်စားလှယ်များခင်ဗျား -

ဒုတိယအကြိမ် ပြည်သူ့လွှတ်တော်၊ ဒုတိယပုံမှန်အစည်းအဝေးကို တက်ရောက်လာကြတဲ့ လွှတ်တော် ကိုယ်စားလှယ်များနဲ့ ဖိတ်ကြားထားသူများအားလုံး မင်္ဂလာအပေါင်းနှင့် ပြည့်စုံကြပါစေကြောင်း ဦးစွာပထမ နှုတ်ခွန်းဆက်သလိုက်ပါသည်။

အခုလို ကိုယ်စားလှယ်များ စုံစုံညီညီ တက်ရောက်လာကြတာ တွေ့ရတဲ့အတွက်လည်း အထူးကျေးဇူးတင်ရှိပါတယ်။ ပြီးခဲ့တဲ့ လွှတ်တော်ရပ်နားထားစဉ်ကာလမှာ ကိုယ်စားလှယ်များဟာ မိမိတို့ရဲ့ ပြည်သူတွေထံ အရောက်သွားပြီး အကျိုးပြုလုပ်ငန်းတွေမှာ တစ်တပ်တစ်အားပါဝင် ဆောင်ရွက်ခဲ့ကြတာ တွေ့ရမြင်ရ၊ ကြားရတဲ့အတွက်လည်း အထူးဝမ်းသာဂုဏ်ယူကြောင်း ပြောကြားပါရစေ။

ပြည်သူ့လွှတ်တော်ကိုယ်စားလှယ်များအခင်ဗျား -

အခုလို ပြည်သူ့ဆန္ဒသဘောထားတွေကို လက်တွေ့အကောင်အထည်ဖော်ဖို့ကိစ္စဟာ မိမိတို့ လွှတ်တော် ကိုယ်စားလှယ်များရဲ့ အဓိကတာဝန်ဖြစ်ပါတယ်။ ပြည်သူလူထု ခံစားနေရတဲ့ အခက်အခဲတွေ၊ အကြပ်အတည်းတွေ၊ ပြဿနာတွေကို မေးခွန်းတွေ၊ အဆိုတွေ၊ ဥပဒေကြမ်းတွေအဖြစ် ပြောင်းလဲပြီး လွှတ်တော်မှာတင်သွင်း ဆောင်ရွက်ကြရတာ ဖြစ်ပါတယ်။ ဒီလိုဆောင်ရွက်ကြတဲ့နေရာမှာ ကောင်းစေချင်တဲ့ စိတ်ရင်းစေတနာအမှန်နဲ့ ဆောင်ရွက်ကြတယ်ဆိုတာကို နားလည်ပေမယ့် ကိုယ်စားလှယ်များဟာ လွှတ်တော်ဆိုင်ရာ ဥပဒေ၊ နည်းဥပဒေများနှင့် အညီ နည်းမှန်၊ လမ်းမှန်းနဲ့ ဆောင်ရွက်သွားကြဖို့ အထူးအရေးကြီးကြောင်း ပြောကြားလိုပါတယ်။ ပြည်သူတွေက အားကိုးယုံကြည်စွာနဲ့ ရွေးချယ်တာဝန်ပေးလိုက်တဲ့ ပြည်သူ့ကိုယ်စားလှယ်များဟာ အရည်အချင်း ပြည့်ဝနေမှသာ ဥပဒေပြုရေး မဏ္ဍိုင်ရဲ့ ဂုဏ်သိက္ခာ ဆက်လက်မြင့်မားနေမှာဖြစ်ပြီး လွှတ်တော်ရဲ့ အဓိကတာဝန်ဖြစ်တဲ့ ဥပဒေပြုရေး (Legislation) တာဝန်ကို ပီပြင်စွာထမ်းဆောင် နိုင်ကြမှာဖြစ်ပါတယ်။

ပြည်သူ့လွှတ်တော်ကိုယ်စားလှယ်များခင်ဗျား -

ယနေ့စတင်ကျင်းပတဲ့ ဒုတိယပုံမှန်အစည်းအဝေးတွေမှာ ၂၀၁၆-၁၇ ဘဏ္ဍာရေးနှစ် ပြည်ထောင်စု၏ အရအသုံးခန့်မှန်းခြေငွေစာရင်း (ပြင်ဆင်ချက်) နှင့် ၂၀၁၆ ခုနှစ် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကို ပြင်ဆင်သည့် ဥပဒေ (မူကြမ်း) တို့အား အတည်ပြု ပြဋ္ဌာန်းနိုင်ရေးကိစ္စ အပါအဝင် လွှတ်တော်အသီးသီးရှိ ဆောင်ရွက်ဆဲ ဥပဒေကြမ်းများအနက်မှ မဖြစ်မနေ ဦးစားပေး ဆောင်ရွက်ရမည့် ဥပဒေကြမ်းများလည်း ရှိနေပါတယ်။ အဆိုများ အနေနဲ့လည်း ပထမအကြိမ် အစည်းအဝေးမှာတင်သွင်းခဲ့ပြီး ဆွေးနွေးရန်ကျန်ရှိတဲ့ အဆိုများ အပါအဝင် အသင့်ဖြစ်အဆို (၁၂) ခု ကျန်ရှိနေပါသေးတယ်။

မေးခွန်းများအနေနဲ့ ပထမအကြိမ်မှ ဒုတိယအကြိမ်သို့ ပြောင်းရွှေ့မေးမြန်းတဲ့ မေးခွန်း (၈၅) ခု ရှိနေပါတယ်။ မေးခွန်းများလည်း ဆက်လက်ရောက်ရှိနေဆဲ ဖြစ်ပါတယ်။

ပြည်သူ့လွှတ်တော် ကိုယ်စားလှယ်များခင်ဗျား -

နိုင်ငံတော်ဖွံ့ဖြိုးတိုးတက်ရေးနဲ့ ဒီမိုကရေစီအခြေခံအုပ်မြစ် ခိုင်မာတောင့်တင်းရေး၊ အမျိုးသား ရင်ကြားစေ့ရေး၊ ပြည်တွင်းငြိမ်းချမ်းရေး ရရှိရေးတို့ကို အုပ်ချုပ်ရေးမဏ္ဍိုင်က ဦးစားပေးတာဝန်အဖြစ် ကြိုးစားဆောင်ရွက်နေတဲ့ အချိန်မှာ ဥပဒေပြုရေးမဏ္ဍိုင်မှ လွှတ်တော် ကိုယ်စားလှယ်များ အနေဖြင့်လည်း မိမိတို့ကို ဥပဒေက ပေးအပ်ထားတဲ့ အခန်းကဏ္ဍအလိုက် စေတနာမှန်မှန်၊ သစ္စာရှိရှိ၊ တာဝန်သိသိနဲ့ ကျေပွန်စွာ ဆက်လက်ကြိုးပမ်း ဆောင်ရွက်သွားကြရမှာ ဖြစ်ပါတယ်။ ပြည်ထောင်စုကြီး ငြိမ်းချမ်းသာယာ ဖွံ့ဖြိုးတိုးတက်ရေးနဲ့ နိုင်ငံသူ နိုင်ငံသားများရဲ့ အမျိုးသားအကျိုးစီးပွားအတွက် အခြေအနေ အရပ်ရပ်ကို မျက်ခြေမပြတ်စေပဲ သတိရှိရှိဖြင့် အမြဲနားစွင့်ပြီး လွှတ်တော်က ချမှတ်ထားတဲ့ “ပြည်သူ့အသံ လွှတ်တော်အသံ၊ ပြည်သူ့ဆန္ဒ လွှတ်တော်ဆန္ဒ၊ ပြည်သူတို့မျှော်လင့်ချက် လွှတ်တော်ကဖော်ဆောင်ရွက်” ဆိုတဲ့ ဆောင်ပုဒ်နှင့်အညီ ကျွန်တော်တို့အားလုံး ဆထက်ထမ်းပိုး ဆက်လက်ကြိုးပမ်း ဆောင်ရွက်ကြပါစို့လို့ တိုက်တွန်းပြောကြားရင်း နှုတ်ခွန်းဆက်သ လိုက်ပါတယ်။ အားလုံးကို ကျေးဇူးတင်ပါတယ် -

၂၀၁၆ ခုနှစ်၊ ဇူလိုင်လ ၂၅ ရက်